Որակի ապահովման կենտրոն

Որակի ապահովման կենտրոն

Մարիամ Մովսիսյան

ՀԱԱՀ հոգաբարձուների խորհրդի 2018թ. նոյեմբերին 6-ի նիստի՝ համալսարանի կառուցվածքային փոփոխությունների մասին որոշմամբ ստեղծվեց ՀԱԱՀ Որակի գնահատման և ապահովման կենտրոնը (ՈԳԱ կենտրոնը):

ՈԳԱ կենտրոնի հիմնական գործառույթներն են.

• Համալսարանի բոլոր ստորաբաժանումներում որակի ներքին ապահովման գործընթացների իրականացում՝ տարեկան ինքնավերլուծության զեկույցների և կատարած աշխատանքների մշտադիտարկման և դրանց վերաբերյալ հաշվետվությունների գնահատման, ինչպես նաև բարեփոխումների պլանների մշակման ուղղությամբ տրամադրող խորհրդատվությունների միջոցով:

• ՀԱԱՀ ինստիտուցիոնալ հավատարմագրման ինքնագնահատման գործընթացի կազմակերպում, համապատասխան զեկույցի պատրաստում և հաջորդող գործողությունների պլանավորում ու վերահսկում, համալսարանի ստորաբաժանումների աշխատանքը հավատարմագրող մարմինների փորձագիտական այցերի համակարգում:

• Համալսարանի կրթական տարբեր աստիճանների մասնագիտությունների լիցենզավորման աշխատանքների իրականացում:

• Ոլորտի անհրաժեշտ փաստաթղթային հենքի, որակի ներքին ապահովման մեխանիզմների, գործիքների, ուղեցույցների մշակում և վերանայում:

Մինչ կենտրոնի ստեղծումն այս աշխատանքներն իրակացրել է ՀԱԱՀ Ուսումնամեթոդական կենտրոնի, մասնավորապես Կրթական բարեփոխումների, ռազմավարական պլանավորման և նորագույն տեխնոլոգիաների (ԿԲՌՊՆՏ) բաժինը: Որակի ապահովման գործընթացների հիմքում ընկած են Եվրոպական բարձրագույն կրթական տարածքում Որակի ապահովման չափորոշիչներն ու ուղենիշները և ՀՀ կառավարության 2011թ. հունիսի 30-ի թիվ 959-Ն որոշմամբ հաստատված Մասնագիտական կրթության հավատարմագրման չափանիշները: